讲到麦当劳最受欢迎嘅「期间限定」系列，应该非点Jack麦乐鸡莫属。笔者仲记得中学时代每星期等两款新酱嘅期待，今年嘅点Jack麦乐鸡由即日起（3月24日）再次回归，仲推出咗共18件嘅点Jack麦乐鸡分享盒，一次过点晒韩风辛辣、麦糖芥末、星洲咖喱同味噌芝麻，套餐价$41，计落仲抵过6件麦乐鸡餐之余，仲可以一次过点晒4款酱料，阔别大家3年的星洲咖喱酱再次回归，未知味道有否改变，即刻同大家试试味！
4款酱汁会先后推出，但如果食点Jack麦乐鸡分享盒就可以先点唯快，不过咁多件真係要同friend开心share先食得晒！
18件麦乐鸡同４款酱汁经已整齐排列等各位饿鬼喛点喇，等等，右上角好似薯格咁係咩嚟？一阵揭晓！
韩风辛辣酱
韩风辛辣酱可谓4款当中口味最浓郁的酱汁，清楚芝麻与蒜头的味道，甜中带微辣，睇住太阳的后裔嚟点就最啱喇！
蜜糖芥末酱
蜜糖芥末酱是多年的点jack王牌，清新的甜味配上一点点芥末的刺激味道，点极都唔会腻，唯独是酱汁较稀，唔太方便点。
星洲咖喱酱
星洲咖喱香而不辣，浓而不腻，呢款酱瘃到之余仲有淡淡豆香，不错！
味噌芝麻酱
第二款最受欢迎的酱汁，清新的芝麻与味噌相配，入口有回香。
试味专员Katie Tong：一向觉得芝麻酱的微鹹与麦乐鸡相配！
试味专员Renee：蜜糖芥末的甜味较清新，有芥末味又不会呛鼻！除咗点Jack回归之外，今次真正全新推出嘅就係薄薯脆，其实即係网纹嘅即炸薯片，厚薄算适中，最紧要就係同卡乐 B係湾仔嘅概念零食店一样，薯片即叫即炸！买任何套餐加$3就食到，今晚撑香港队睇住食就啱晒！
薄薯脆份量都唔少，相比以前出过嘅薯格都扭扭薯条，加配嘅性价比较高！
撑自己人！今晚食住薄薯脆睇波！同场加映！点Jack历年广告片！
点Jack历年嘅广告片一向有趣，上年仲破天荒係港视嘅剧集《警界线》Crossover，成为城中热话！